影片
更多
2009-08-31
4 瀏覽
好耐冇去過食DOMON 札幌拉麵，同老婆行開街順便食下。之前都係散叫，今次留意倒有個hkd188 0既2人餐，有2碗set 死左0既普通拉麵+ 3個(從12 個裡面揀)小食。秘技係只要每碗普通拉麵加10蚊就可以自選任何一款拉麵，所以未加一盛惠208。大熱天時，梗係要食d凍野開個胃，所以首先要左凍蕃茄。可能我唔識食，但係我覺得呢個蕃茄同普通街市買倒0既唔係好大分別，不過凍蕃茄加芥末就真係未試過，作為冷盤都還算幾好丫。之後梗係要此店出名0既餃子啦。呢間0既餃子皮薄但係唔容易爆，勁 佢係用韮菜+免治豬肉包，兩者份量適中，真係值得一試再試。最後叫左小串燒拼盤，可惜冇睇清楚，佢其中一樣係蔥 (但係我唔食)，有d可惜。其餘仲有冬菇、鴨腎同雞亦，幾款都算唔錯。主菜當然係拉麵啦，我叫0既係原味豬肉拉麵，老婆原味蟹肉拉麵。 (原味即係麵豉味)豬肉個厚薄剛好，唔會好薄，咁就冇乜質感; 但又唔會好厚 (如果唔係會好'漏')，味道好正，我認為真係值得再試。其餘配菜包括蔥、海苔、粟米、芽菜同筍等等。另外蟹肉唔會話係蟹柳咁溝魚肉，食落好真係好鬆軟，亦都可以一試。本人一向唔係飲好多湯，但係都棒下場飲左dd，可能喜好
之前都係散叫，今次留意倒有個hkd188 0既2人餐，有2碗set 死左0既普通拉麵+ 3個(從12 個裡面揀)小食。秘技係只要每碗普通拉麵加10蚊就可以自選任何一款拉麵，所以未加一盛惠208。
大熱天時，梗係要食d凍野開個胃，所以首先要左凍蕃茄。可能我唔識食，但係我覺得呢個蕃茄同普通街市買倒0既唔係好大分別，不過凍蕃茄加芥末就真係未試過，作為冷盤都還算幾好丫。
之後梗係要此店出名0既餃子啦。呢間0既餃子皮薄但係唔容易爆，勁
佢係用韮菜+免治豬肉包，兩者份量適中，真係值得一試再試。
最後叫左小串燒拼盤，可惜冇睇清楚，佢其中一樣係蔥 (但係我唔食)，有d可惜。其餘仲有冬菇、鴨腎同雞亦，幾款都算唔錯。
主菜當然係拉麵啦，我叫0既係原味豬肉拉麵，老婆原味蟹肉拉麵。 (原味即係麵豉味)
豬肉個厚薄剛好，唔會好薄，咁就冇乜質感; 但又唔會好厚 (如果唔係會好'漏')，味道好正，我認為真係值得再試。其餘配菜包括蔥、海苔、粟米、芽菜同筍等等。另外蟹肉唔會話係蟹柳咁溝魚肉，食落好真係好鬆軟，亦都可以一試。
本人一向唔係飲好多湯，但係都棒下場飲左dd，可能喜好問題，本人認為湯底唔係話好特別，好非不試不可嗰種。
不過，飲完之後真係好、好、好夠飽。
總括黎講，個拉麵同餃子都仲算維持喺高水準。唯一少少同上次唔同0既係，上次食得比較輕鬆，d野唔會話一下子上晒，但係今次個餃子都未食完，個串燒拼盤同拉麵就黎左。成個晚飯我諗成左45 分鐘倒，呢個速度真係好有港式風味。
連埋加一最後埋240 倒，可以一試呢個好味0既拉麵同餃子，都算ok 抵啦。
張貼
