一番日本料理

營業中

休息中

唔知食咩好，見幾full 就入去試吓，真係畀佢d壽司size 嚇親！🤣鋪頭唔算大，坐得少迫但香港地黎講都算正常！點餐方便，自己係餐紙tick 就ok！環境正常，嘢食種類都頗多！海膽刺身：是日海膽刺身特價，即管嗌嚟試吓！估唔到又幾好味，幾重芒果香味，又冇腥味！軟殼蟹反卷: 一嚟到真心嚇親，一舊好似岀邊兩舊咁大舊，味道都唔差，絕對抵食！雜錦魚生飯: 又係超級無敵大碗，食到勁飽！三文魚有驚喜，油脂好豐富食落去好滑！吉列豬扒飯: 又係勁大碗, 豬扒好大舊, 淨係個size已經好驚喜！關東煮: 味道OK，分量十足！總括黎講，味道ok，嘢食大件夾抵食，值得一試！