影片
更多
2008-08-15
22 瀏覽
上星期六專程去荃灣試下呢間傳聞中D野食好大份的餐廳，其實之前都曾經經過呢間餐廳，不過果時見到門口排晒隊而自己又唔係肚餓所以就無去，咁岩上星期六放假，就去試下呢間成日要排隊入場的餐廳啦。去到的時候大約係十一點，唔駛排隊就入到去啦，不過入到去其實都無咩位，間餐廳有的座位唔多，容納唔到好多人，咁好彩又有個卡位，咁就坐左入去啦。坦白講，黎得呢度都係想試下佢的奄列，於是就點左個火腿小奄列、鮮牛肉蛋治、五香肉丁麵同埋阿華田奶昔啦。首先送到黎的係火腿小奄列，可能係多人叫的關係，所以好快就送到黎，份奄列真係好大呀，開頭食落味道都幾好，佢明顯地係落左美極的，不過由於太大份，食食下都食到有Ｄ嫌的感覺，所以話多的未必好，正所謂小食多滋味嘛，呢個小奄列兩個人食都覺得多，可能要三、四個人share先好呢，不過呢十五蚊都值得的，因為真係幾特別，但最好叫多ｄ人一齊share呢。之後送上黎的係鮮牛肉蛋治，份蛋的厚度真係嚇親人，完全無諗過咁厚呢，只係食呢份三文治加埋剛才個奄列，都足以令到你呢個星期唔駛食蛋啦。呢份三文治就無之前的奄列咁特別，係Ｄ蛋好厚，佢的牛肉又唔係太有牛肉味，而且牛肉帶甜明顯地係用左糖去醃，個人認為唔
去到的時候大約係十一點，唔駛排隊就入到去啦，不過入到去其實都無咩位，間餐廳有的座位唔多，容納唔到好多人，咁好彩又有個卡位，咁就坐左入去啦。坦白講，黎得呢度都係想試下佢的奄列，於是就點左個火腿小奄列、鮮牛肉蛋治、五香肉丁麵同埋阿華田奶昔啦。
首先送到黎的係火腿小奄列，可能係多人叫的關係，所以好快就送到黎，份奄列真係好大呀，開頭食落味道都幾好，佢明顯地係落左美極的，不過由於太大份，食食下都食到有Ｄ嫌的感覺，所以話多的未必好，正所謂小食多滋味嘛，呢個小奄列兩個人食都覺得多，可能要三、四個人share先好呢，不過呢十五蚊都值得的，因為真係幾特別，但最好叫多ｄ人一齊share呢。
之後送上黎的係鮮牛肉蛋治，份蛋的厚度真係嚇親人，完全無諗過咁厚呢，只係食呢份三文治加埋剛才個奄列，都足以令到你呢個星期唔駛食蛋啦。呢份三文治就無之前的奄列咁特別，係Ｄ蛋好厚，佢的牛肉又唔係太有牛肉味，而且牛肉帶甜明顯地係用左糖去醃，個人認為唔係特別好食，其特別之處只在於蛋的份量夠多夠厚。
再送黎的係五香肉丁麵，係全餐的敗筆，呢碗價值十七元的麵完全毫無特別，又唔係好食，所謂的公仔麵都唔知係咩公仔麵，五香肉丁只有一大舊，如果俾我再揀，我一定唔會去試呢個麵架，個碗就大，水都多，但份量就唔算多囉。
最後送上黎的係阿華田奶昔，落單時個阿姐都已經同左我地講要耐少少先有，但估唔到係到我地差唔多食完晒Ｄ野先送上黎呢，不過唔緊要啦，飲左一啖，發覺同Ｍ記的朱古力奶昔完全唔同，佢無Ｍ記奶昔的甜味，亦無Ｍ記果種「傑」的感覺，飲落去係淡淡的朱古力味，都幾滑，呢杯野都算貴，都要十八蚊一杯，都係試過就算啦。
總括黎講呢間餐廳的食物都係大份的，不過講到抵食就真係見仁見智啦，我又唔覺得特別抵，因為佢全部野都要散叫，無餐食，即係話一杯飲品都要十幾蚊，出面的餐廳食一個餐都係廿幾蚊有麵有腸仔蛋同飲品，如果呢度叫個奄列再加個麵同飲品都要四十幾蚊，當你兩個人share黎食，其實都係一樣，所以呢間野並唔係話真係特別平，只係佢的食物夠大份有賣點而已。
張貼
