閨•家 (美基樓) (已結業)

閨家開咗好幾間分店，今次來到呢間屯門呢個新搬的分店。同其他分店一樣，位置唔算大。而家先知原來佢都有早餐，下次早D來試下先。鰻魚炒飯：個飯就比較濕，我自己就偏向亁啲嘅，不過友人話咁樣好食啲。鰻魚肉就比較少，佢切到好細粒，唔仔細去睇，都有啲難搵啦。雖然係咁，其實碟飯嘅味道係做得幾好，唔會太鹹，但有少少鰻魚味。以佢呢個價錢來講其實真係好抵又大碟，值得一試。豬扒配菠菜麵：菠菜麵煮得好軟，幾好食，感覺健康。不過吸咗好多湯，食食吓發覺唔夠湯。不過可以叫餐廳俾多少少湯，服務幾好。塊豬扒煎得唔錯。海蜇配手撕雞：海蜇好大條好爽口，手撕雞配上麻醬好惹味，同埋真係好大碟!!老火湯：呢個係跟炒飯送嘅，碗湯夠晒味，好足料。來閏家飲湯真係好正。