影片
更多
2023-01-02
534 瀏覽
除夕，原本下午打完針，同婆婆太婆食完lunch就打算回家自煮。點知太婆話好耐冇見曾孫，12月曾孫生日都未同佢食過晚飯，今晚請食飯。因為係除夕，都怕會冇位，即時上openrice睇下邊度唔太貴又近有得訂位。原本選左間係坑口的，但唔知點解佢2位可以訂枱，但4位就唔可以喎。跟住婆婆提意去將軍澳南，我本來唔想的，怕離地鐵有D遠，怕太婆行得累；不過太婆話都未去過，去行下都好。最後就決定MADRIA啦，因為睇相見佢環境都唔錯。有室內同戶外都有位坐，我地就選左坐室內，因為都怕凍。見有人唔怕坐戶外，應該又係另一種享受既。Book左位，其實我地都成6:45先去到將軍澳站。太婆行得慢，我就先去左攞位，都怕太晏去會冇位，除夕嘛。點知去到原來都冇乜人，7點都係得2枱客。坐底等太婆，婆婆同仔仔行過黎，睇下Menu好抵喎，Dinner Set竟然只係288起，頭盤有湯或炸魚餅；主菜有5款可選，牛仔骨，羊架，咖喱雞飯，pizza咁上下，唔記得影menu；重有甜品香蕉蛋糕或曲奇，同一杯飲品，睇落都幾多野食。因為我本身係細食既人，所以都諗定叫2個set就夠，跟住散叫多個意粉或Pizza或沙律，應該就好夠食。最後決定餐叫
Book左位，其實我地都成6:45先去到將軍澳站。太婆行得慢，我就先去左攞位，都怕太晏去會冇位，除夕嘛。點知去到原來都冇乜人，7點都係得2枱客。坐底等太婆，婆婆同仔仔行過黎，睇下Menu好抵喎，Dinner Set竟然只係288起，頭盤有湯或炸魚餅；主菜有5款可選，牛仔骨，羊架，咖喱雞飯，pizza咁上下，唔記得影menu；重有甜品香蕉蛋糕或曲奇，同一杯飲品，睇落都幾多野食。因為我本身係細食既人，所以都諗定叫2個set就夠，跟住散叫多個意粉或Pizza或沙律，應該就好夠食。
最後決定餐叫湯及魚餅各一，主菜要牛仔骨同羊架，我講左幾次叫意粉架，但婆婆想食串燒，仔又話要食果鐵板雞卷...結果，肉，全晚都係肉，我完全係一晚食左一個星期份量既肉。
西蘭花湯
炸魚餅有4塊咁多，岩岩好一人一塊。佢個甜辣醬有D偏辣。
跟餐的無酒精mocktail，就係士多啤梨 soda，加粒棉花糖。好飲架。
仔仔點的鐵板雞卷，個雞有少少辣，我麻麻地，但仔同婆婆佢地覺得OK好味。
牛肉及雞肉串燒，最後係食唔晒，要打包的。都係果句沙嗲醬有D辣，黎到依度我發覺，依間野全部野都係偏辣的。唔係佢所寫既多國菜，係偏印度的。
牛仔骨，好大份，有3大舊，288一個餐咁既份量真係抵到爆，仔，婆婆同太婆都話好味...但係我，食到，又係少辣，食到依刻，我覺得我個口除左辣，食唔到其他味。
最後羊架，又係有3大舊，我已經好飽，好辣，只係切左少少一啖黎食，都OK唔會好so。但係整得太生，熟多少少會好D。但因為家都飽飽地，太多肉，生的當食少D就算了。
甜品，我以為仔仔會叫2個唔同的，點知佢叫晒2個都係香蕉蛋糕加雪糕。好大份，味道就冇乜特別。期間，隔離枱原來有人生日，見職員會送上蛋糕唱生日歌。整體環境唔錯，坐得舒服，食物好食同勁大份的；不過如果好似我咁唔係好食得辣的，可能要諗諗。依間D肉個醃料好似都係偏辣，如果再黎我諗我都係叫意粉就算了。
依間野基本都係外國侍應，但menu有中文的。侍應都幾細心，因為2老都唔想飲凍野，我就問有冇熱水，侍應係拎個靚靚茶壺比熱水的，而且會留意老人家斟完水差唔多無水就會主動refill熱水，真係好過今日下午去果間食店，想要杯水都要等運到，職員叫極都冇人的。
埋單900鬆D，淨係288果2個餐就覺得好抵了，除夕其實都估每個人起碼300，點知唔駛，重要飽到漏。唯一唔好係離地鐵真係太太太遠，食完行番出去搭地鐵，好似都行左半小時。
張貼
