影片
更多
2018-11-21
1361 瀏覽
每一次經過都見到呢間坐滿曬人,今日咁啱放假喺非繁忙時間經過見到唔多人就走入去幫襯.隨便坐低咗,望過曬所有檯都好似冇餐牌,唯有睇黐喺牆身嘅過膠餐牌.睇落好似冇乜禮貌,其實只係隨意,即係街坊態度,受得嘅話就會覺得感覺親切. "一位坐吖. 2位?都坐吖"真係唔該晒~~唔知係咪我果日傷風既關係,冷氣都開得幾大下,好凍.叫咗個鮮茄牛扒燴意粉同奶茶,叫完餐好快就送上杯底黐住粒飯既奶茶,雖然我唔會舔杯底,亦唔期待茶仔會乾淨,但依粒飯真係好奀眼.但奶茶本身係沖得香既,雖然唔算濃.番茄本身係淡味,不過芡汁落足茄膏/汁,都算夠味.意粉既份量非常大.裏面嘅青椒,洋蔥,磨菇仲爽爽地,唔會淋晒.牛扒竟然唔係乾爭爭或者醃味重喎,淨係咁樣已經比一般茶仔好啦.最正係成碟都係熱辣辣,真係一炒起就拎來.其實好多人嘅要求就係咁簡單,點解咁多餐廳都做唔到喇.坐我對面果位女士既鯪魚球米有成5粒超大鯪魚球,佢不停夾畀老公食,淨係睇個份量普通OL應該好難食得晒.都幾肯畀嘢客人食,下次再試下呢個鯪魚球米粉啦.
睇落好似冇乜禮貌,其實只係隨意,即係街坊態度,受得嘅話就會覺得感覺親切. "一位坐吖. 2位?
都坐吖"真係唔該晒~~
唔知係咪我果日傷風既關係,冷氣都開得幾大下,好凍.
叫咗個鮮茄牛扒燴意粉同奶茶,叫完餐好快就送上杯底黐住粒飯既奶茶,雖然我唔會舔杯底,亦唔期待茶仔會乾淨,但依粒飯真係好奀眼.但奶茶本身係沖得香既,雖然唔算濃.
番茄本身係淡味,不過芡汁落足茄膏/汁,都算夠味.意粉既份量非常大.裏面嘅青椒,洋蔥,磨菇仲爽爽地,唔會淋晒.牛扒竟然唔係乾爭爭或者醃味重喎,淨係咁樣已經比一般茶仔好啦.最正係成碟都係熱辣辣,真係一炒起就拎來.其實好多人嘅要求就係咁簡單,點解咁多餐廳都做唔到喇.坐我對面果位女士既鯪魚球米有成5粒超大鯪魚球,佢不停夾畀老公食,淨係睇個份量普通OL應該好難食得晒.都幾肯畀嘢客人食,下次再試下呢個鯪魚球米粉啦.
張貼
