影片
更多
2021-04-28
285 瀏覽
適逢是日大帽山行山，落山後近近地喺荃灣揾餐廳醫肚，既然天氣涼涼地，咁就不如打個邊爐，於是選址位於眾安街大鴻輝中心6樓嘅極品靚鍋。出升降機門步入餐廳，一個"大"字就可以形容環境，地方寬闊有4千呎，樓底約5米高，亳無壓迫感，被安排入座4人卡位。先睇睇Menu，湯底有11款之多，有辣有唔辣任君選擇，除咗一般沙嗲鍋、蕃笳野菌、麻辣鍋外，亦有黑蒜豬骨鍋、冬瓜八寶鍋等，今次則選擇海底椰雪耳竹絲雞鍋。套餐選擇上分別有A)精選豬牛餐$158、B)特上USDA Prime牛肉餐$218、C)澳洲短角牛加SRF極黒和牛餐$268。小知識，普遍大眾只知道牛肉有分M級(澳洲)、A級(日本)或USDA(美國)，咁究竟SRF又係乜東東？SRF係另一嚟自美國，同樣係用作分辨牛肉級別嘅標準，有Silver/Black/GoldLabel 3個級別，查詢後餐廳所提供嘅係Gold Label。咁就揀C餐啦，有齊各款牛肉供選擇。趁食物未到，先睇睇自助區，熱飲有4款養生花茶：洛神花玫瑰果茶、杞子胎菊茶、玫瑰烏龍茶、茉莉花茶。蔬菜區除咗常見唐生菜、娃娃菜、皇帝菜供選擇外，亦有比較稀有於放題餐廳嘅冰菜。凍飲區又可以用個"長"字去
出升降機門步入餐廳，一個"大"字就可以形容環境，地方寬闊有4千呎，樓底約5米高，亳無壓迫感，被安排入座4人卡位。
先睇睇Menu，湯底有11款之多，有辣有唔辣任君選擇，除咗一般沙嗲鍋、蕃笳野菌、麻辣鍋外，亦有黑蒜豬骨鍋、冬瓜八寶鍋等，今次則選擇海底椰雪耳竹絲雞鍋。
套餐選擇上分別有A)精選豬牛餐$158、B)特上USDA Prime牛肉餐$218、C)澳洲短角牛加SRF極黒和牛餐$268。小知識，普遍大眾只知道牛肉有分M級(澳洲)、A級(日本)或USDA(美國)，咁究竟SRF又係乜東東？SRF係另一嚟自美國，同樣係用作分辨牛肉級別嘅標準，有Silver/Black/Gold
Label 3個級別，查詢後餐廳所提供嘅係Gold Label。咁就揀C餐啦，有齊各款牛肉供選擇。
趁食物未到，先睇睇自助區，熱飲有4款養生花茶：洛神花玫瑰果茶、杞子胎菊茶、玫瑰烏龍茶、茉莉花茶。
蔬菜區除咗常見唐生菜、娃娃菜、皇帝菜供選擇外，亦有比較稀有於放題餐廳嘅冰菜。
凍飲區又可以用個"長"字去形容😆 選擇非常多，雪櫃仲多過超級市場。除咗一般罐裝/纸包飲品，亦有數款自家制冷泡茶提供，冰糖雪梨茶、馬蹄竹庶茅根、夏枯草，打得邊爐多，飲多兩枝解喝又下火，絕對係一流。
過咗無耐，海底椰雪耳竹絲雞鍋就到，鍋入面雪耳大大舊，竹絲雞就唔係話好多，還算足料。 火鍋配料陸續送上，每盤牛肉上面會放一個牌仔，除咗介紹名稱，亦會寫上建議烹煮時間。SRF極黑牛肩胛肉眼，一片肉就有成塊面咁大，有少少咬口但脂肪分佈均匀，牛魔王絕不能錯過。 美國Prime封門柳，無筋，肉味突出，亦係必食item。
濟洲生蠔、海蝦、珍珠扇貝等海產亦新鮮，廚房事前洗潔得非常乾淨，無沙無碎殼，爽口彈牙，强烈建議可以不斷encore蠔同蝦，真心大隻，回本之選！但都係嗰句，食得哂先好嗌，避免浪費。
正餐過後又係甜品時間，品牌Tokyo Bakery標註明香港製造，放心食用。大概有十一個口味，除咗大路嘅朱古力同士多啤梨，另有海鹽、豆腐、伯爵茶同綠茶等口味，大家有興趣可以試試。
話咁快又食咗兩小時，食至捧腹離場，希望呢間極品靚鍋能夠喺大鴻輝呢個放題集中地站得住腳，與幾間人氣店爭一日之長短。
張貼
