Mee...lemongrass (已結業)

今晚係銅鑼灣搵食，突然好想食泰國菜，就係op 搵到呢間！餐廳做緊promotion, 足爆料版喇沙優惠價$188一黎到，嘩！好大碗！海鮮配料好多又新鮮！一大隻大頭蝦、原隻魷魚、青口、扇貝、蜆、蟹柳、魚旦、豆卜.....底可既係米粉同麵條，加上一壺熱辣辣既喇沙湯另外端上，可以等食客自己搭配，幾好。另外仲叫左軟殻蟹米紙卷，薄薄既米粉皮加上軟殻蟹、芒果、牛油果、青瓜、黃椒等卷埋，多層次既清新口感，好食！我諗叫多一兩個人食呢碗足爆料喇沙都得，抵食！