金華燒臘大王 (已結業)

中環嘅食肆永遠係多到食不完...以往諗起係呢區食燒味，名店會諗起鏞記，小店會去龍記....聽各方友好講話呢度都幾OK，今日嚟開睇醫生就過嚟幫襯...叫咗一碗五寶飯，收三十二蚊。再睇餐牌，發覺一碟只係俾多四蚊。不禁問問自己點解唔叫一碟呢?正在有D後悔之際，碗飯嘅SIZE就俾咗我一個完滿嘅解釋嘞 ---- 我睇碗嘢有成個大湯碗咁大，上面堆滿切雞、义燒、燒鴨、雞腎、豬肚及豬脷，仲有半隻鹹蛋，實在多得驚人。好似食盤菜咁...各類燒味嘅味道只算普通，比起鏞記及龍記當然猶有不及。不過值得一讚嘅係D飯煲得幾靚，夠軟熟，不俗。抵食程度攞足一百分...