德如茶餐廳

營業中

休息中

今日lunch跟同事去左呢間茶餐廳，入面冇晒位！要坐係戶外！雖然係斜路，但感覺尚算安全企理！佢誠意推介我家鄉炒飯！但我冇理到佢因為我行過人地啲枱，好多人叫豬扒飯，而且見到啲豬扒好大塊又多！所以諗住叫個椒鹽豬扒飯！落單既時候叫左椒鹽豬扒飯，但姐姐話呢個日日都有，試唔試下今日個粒粒豬扒飯，係用四季豆炒既！所以就聽佢講試下！唔知係咪臨近情人節，我同同事都聽到係love love豬扒飯！好笑粒粒豬扒飯 $52 沒有跟飲品嘩！真係好大碟！起碼有4-5舊豬扒！下面放左炒四季豆！四季豆超野味！送飯一流！而且一啲都唔咸！又唔太油！好好味！豬扒就乾身左小小！但味道都ok!!!!真係太多飯！下次再黎要叫少飯！