JuniJib Dessert (已結業)

同朋友行行下街好想食甜品，就入咗呢間甜品店坐低慢慢嘆～收銀位哥哥好似係真·韓國人，所以落單我用咗英文溝通。 佢都態度好好，有禮貌。等咗5分鐘左右我地叫既哈密瓜牛奶冰同埋檸檬乳酪馬卡龍就到咗啦，好有效率。一食落去牛奶冰好夠味，亦都唔會怕話食到最尾啲冰會冇晒味，而且哈密瓜好鮮甜，大推！另外嘅檸檬乳酪馬卡龍超大粒，我哋係兩個女仔share食一粒。真係要擘大個口先咬得到一啖。馬卡龍好有檸檬味，但乳酪味就未夠出，希望之後會有改善。