波仔

營業中

休息中

唔行過嚟都唔知由細食到大嘅波仔，竟然有一間咁大嘅舖頭🤤呢間全新開嘅概念店，除咗有平時成日都見到嘅叮叮飯同埋糖水之外，仲有熟食同埋飲品檔，更加有好多多元化嘅好嘢食，而家仲有好多優惠添😎呢杯買一送一😚😚1️⃣ 蓮藕肉餅蒸飯🍚想健康啲蒸飯一定係首選～ 呢件肉餅都幾大塊，個盒有幾大肉餅就有幾大🤣 而且呢件肉餅仲加入咗蓮藕，有口感🤞🏻2️⃣ 足料肉鬆粢飯🤩細個好鍾意食粢飯，夠哂經典🤣呢個粢飯入面有肉鬆又有榨菜，真係無講大話，係名副其實嘅足料呀😎3️⃣ 魚籽豬肉燒賣🐷鍾意食燒賣嘅你一定唔可以錯過😍 雖然熟食檔嘅燒賣可以即買即食，但係呢盒叮叮燒賣係啱收夜嗰時又啱啱返到屋企，想過下口癮嗰陣時食😋 一份6粒唔多唔少剛剛好😚4️⃣ 芝士泡菜雞粒炒飯🧀呢個咁邪惡嘅炒飯點可以唔試吓🤣 原本以為呢個炒飯嘅芝士只係普通嘅芝士，點估到佢係識拉絲🤤 加埋雞粒同泡菜，食落去有少少辣又幾過癮😍5️⃣ 紫米露✨最鍾意嘅中式糖水之一～ 因為既可以凍食又可以熱食，兩種食法都各有特色好好味😆 香甜又軟糯😚