和順記 (西九龍中心)

營業中

休息中

同朋友去深水埗買嘢，朋友話西九龍中心新開咗一個好岀名食炸雞髀，佢之前係油麻地食過，話好好味，一定要帶我去試試。我地叫咗2隻雞髀，一隻係生炸雞髀皇，另一隻係鹽酥雞髀皇同一個秘製豬扒撈丁share食。~~雞髀皇唔係講笑，真係真係真係好大隻，大過我隻手。雞髀即叫即炸，雞皮食落好脆卜卜，d雞肉十分嫩滑，好多汁。雖然係炸，但食落一d都唔油。跟餐仲有薯條，薯條份量都好大，都係炸得好脆。~~ 秘製豬扒撈丁豬扒好香好嫩滑，撈丁都好好味，本身已經落咗醬汁，好夠味。另外，會俾埋辣椒油，加埋係更加好味，少少辣，好過癮。