龍蝦燒 (已結業)

見某雜誌寫到好好味咁，所以專程到場試食！點知……我全家人極度失望！１）我地已經訂左位，　　點知去到個刻仲要至少等多十分鐘　　阿姐無派飛，　　個個黎到係哂個門口到，　　佢跟本唔會記得邊個黎先同黎後２）入到去，　　我地比佢地編排左去另一間舖個邊坐！　　坐位唔舒服（椅）　　而且位置極之好狹窄，　　我比傳菜個阿姐撞左好多次背脊３）ｄ野等左成半個鐘先有得食，　　最離譜係咬落口係凍嫁囉！　　龍蝦並非想像中咁好味，可能配料要改良　　鵝肝多士ｄ多士林哂，不過塊鵝肝都ｏｋ　　三文魚頭仲以為係半邊頭咁上…點知得幾個魚“較”　　雞中翼尚算合格好味４）埋單居然都要成半個鐘　　因為間舖太迫既關係，　　我地企哂係門口，　　是罰企半小時嗎　　而且仲見到ｄ阿姐跟單跟到亂哂仲要嗌交？我唔會再比多次機會呢個舖。