Jenny Bakery (已搬遷) 新店位置

成日都上黎開飯度睇下有咩野食得閒試下，今次揀左jenny，睇過之前的食評大家都話要排隊又人多，預早d出門。睇左開飯個地址照住搵，搵唔到囉，果個商場剩係得好多賓賓……之後唔理，試下去另一個商場啦，終於搵到，朝早十一點零去到，可能星期六啦，無人排喎，當時得一個年長少少的店員，佢都有介紹下曲奇款式，我買左兩盒細的4mix，$60一盒同埋一枝波羅汁，店員仲好細心講冰未溶晒，冰都係波羅汁黎，唔好掉左佢。之後返到公司開黎食食我第一塊試扁果塊牛油味，覺得好乾好硬，牛油味好假咁，即刻飲水，第二塊試提子麥，還好，無咁硬，第三四塊就係花花形的牛油同咖啡味，都唔差，正常，幾鬆，但我覺得唔係太吸引我，之前朋友買俾我的澳門樂宮個樣似硬，但佢好鬆化，好香，仲食唔停，反而jenny就唔太ok，第一款真係唔掂，以佢質數我寧願去車厘哥夫買……*我已聯絡openrice改返個地址，希望其他朋友唔駛搵錯地址白行。