大蝦干撈專門店 (已結業)

自從大叻無左之後,呢個鋪位就開左間大蝦干撈面,新餐廳個叻沙啲色,香都同舊時大叻差唔多,湯底都唔錯,幾好味,但係我覺得啲油面份量多左,米粉就小左,配對上無咁好食,而且啲油面質感唔係幾好,唔知係咪轉左用料,唔好食。個粉都成HK$72一個,未計加一。餐牌上有三款叻沙1.叻沙2.海鮮叻沙3.大蝦叻沙問個伙計三款叻沙有咩分別,佢就話其實第一款"叻沙"係有鮮蝦的,而只係個餐牌印漏左,但我又覺得奇怪,咁大蝦同鮮蝦又有咩分別呢?不過嗰時都幾肚餓,而且我只係想食叻沙,有無蝦都無所謂,所以就無再追問啦!另外,叫左杯椰汁冰,嗰椰汁冰好杰,我以為飲緊奶昔,唔係幾好飲。