北京水餃店

營業中

休息中

喺公司嗌個咗個外賣，點咗羊肉大葱餡餅同紅油抄手。先講外賣服務，鋪路打番嚟比我問多次個地址，答完佢就話送外賣嗰位同佢講到咗我公司門口但我公司閂咗門叫我開門比佢，我公司一直都開緊門。我出去走廊睇一個人都冇，咁究竟去咗邊到呢？寫字樓每個室都係數字冇分abc單位。羊肉餡餅，幾脆，不過冇羊肉味。紅油炒手，溝稀啲辣油同撈勁多豉油，鹹到離哂譜，我本身唔係好食得辣，只食到小辣，都覺得冇味，唯一嘅味覺就係覺得好鹹，啲餃個底浸豉油嘅位黑哂，我未食過咁嘅款嘅紅油抄手。我老闆阿媽話有次去堂食，見到啲服務員收完錢手都唔抹唔洗就包餃，佢話如果知我嗌哩間嘢會叫我唔好嗌。