五月花港台日料理 (已結業)

剛剛星期日十人原先充滿期待咁去，點知接見話話由第一個人入坐開始計，心裡即時打個突。早到左唯有企下先，但整個接待處陣陣煙味（係煲完煙果隻）！臭到不得了！唯有落番樓下大堂等。魚生、壽司份量正常，但第一ROUND都唔想食，因為完全唔新鮮。其他熟食可以，上菜速度算快，冇乜漏單。甜品雖注明「日本雪糕」，但到來卻是牛奶公司雪榚糯米糍一粒。桂花糕冇桂花味，唔食都唔係損失。仲有果杯綠茶飲品係怪味！多人去的話冇房係好迫的，隔離枱，七個人迫係一張六人枱度，莫講話打邊爐，食都冇晒胃口。仲有還有半小時才夠鐘已經走埋黎話LAST ORDER……食完心裡唔舒暢，肯定唔會再去，唔推介！