新唯一麵家 (已結業)

本身好喜歡食上海野，唯一麵家亦係由細食到大。但今次黎呢間 新唯一麵家，真係好失望加得啖氣四個女仔，晚市一人一個set價錢ok嘅，尖沙咀黎講佢算正常，但性價比不高（野食相欠奉，因為唔會想影低）朋友A，炸豬排面豬排細到好似得半塊咁，薄切好乾，好難入口不過朋友話啲面味道就ok朋友B, C 都叫咗鹵水雞翼面雞翼三小隻，無味我叫左無錫排骨菜飯排骨味道好一般，太酸菜飯係乾爭爭的身為肥妹既我，竟然食淨一半真係無意欲食落去味道既野見仁見智，但服務真係首先冷氣唔夠，佢聲稱係壞，咁我信佢係壞啦第二，我杯野飲係後加的，加單時我同店員A講，野飲未黎到，店員B已經好粗魯咁問我哋拎單mark 數。點知走嘅時候，店員A用驚死我走佢數嘅語氣，話：小姐！你個野飲未有數呀！（加反白眼，反完再厲住我）個態度衰到，老細叫我做野都唔會咁衰我地四個一齊話mark 左啦，佢先收聲但態度極之惡劣。總結，呢間，野食唔出眾，員工欠玲瓏。我唔會再食。完。