十二味 X Bamboo Bar (德己立街)

營業中

休息中

之前去Kennedy Town個間，覺得好食，就以為中環一定會好好多，再加上呢度D侍應姐姐都幾好。但好可惜，味道差太遠啦。我哋11:27分開舖之前到，第一個座低同order，但就要好耐先至上菜。因爲佢會搞掂D外賣order先，搞到堂食個D就座係度乾等。所以趕時間係要注意一下嘅。Order左素香鍋，來左之後以為個order錯左，個顏色，溫度同口感完全都唔掂。好似隔夜餸。D白飯又係硬嘅，用來做炒飯就最好。好唔明白，因為剛剛開門。麻婆豆腐嘅芡厚到好似係布甸咁，有苦味，可能因為個peppercorn係油度炸得太耐。呢D係川菜最基本要留意嘅嘢。堅尼地城個間水準好過呢間好多。