Glasshouse (國際金融中心) (已結業)

見咁多好評，就揀今日同女朋友黎試下呢間，但試完就出事，非常失望。事緣我女朋友唔舒服要食藥，我叫個侍應俾杯熱水（當時未講我女朋友要食藥），個侍應話佢地唔提供水。咁諗住算數，既然無水提供，但食食下嘢我女朋友咳得好犀利，我叫咗第個侍應同佢講，可唔可以special俾杯熱水，我女朋友要食藥。個侍應聽完話ok，咁隔咗一陣攞咗杯水黎。到埋單嗰刻，見到張單寫住hot lemon water，要收39蚊，咁我就問杯水點解變咗lemon hot water要收錢。個侍應話呢度每樣嘢都要收錢。咁我當然要搞清楚啦，跟住叫佢經理，經理都係咁講，呢度每樣嘢包括water都要收錢。跟住態度好差咁擺低張單行咗去。呢啲咁嘅service以後都唔會再去。