影片
更多
2012-06-25
13 瀏覽
4月17日, 近年愛上咗Habitu呢個地方. 分店有casual relax嘅caffe、提供更多元化菜式同甜品嘅the table同走fine dining路線嘅ristorante the garden三個系列, 近月更多添一所主力推廣咖啡文化嘅academy & roasting studio~ 今日就趁喺又一城睇戲之前嚟呢間habitu the table慢慢享受一個愉快嘅晚餐! ::: Tartufo ::: $128呀菲一向對有菇菌類做食材嘅菜式情有獨鐘~ 呢個黑森林薄餅除咗野菌同芝士外仲用上黑松露~ 是為呀菲必叫! 薄餅是烤得薄脆的傳統意式薄批底, 純粹的散發著野菌同黑松露獨特的清香~ 芝士烤成半溶狀態, creamy惹味但唔會蓋過野菌味道. 面頭放上帶煙燻味微澀的火箭菜, 令菌香同芝士氣味更加突出, 就算我地平時麻麻地呢個菜都覺得可以接受~ 成個pizza味道獨特, 而且唔會好膩, 好味!::: Spaghetti Carbonara ::: $88Habitu嘅carbonara一向水準穩定, 酷愛carbonara嘅呀菲自然易不容錯過. 意粉質地夠al dente
::: Tartufo ::: $128
呀菲一向對有菇菌類做食材嘅菜式情有獨鐘~ 呢個黑森林薄餅除咗野菌同芝士外仲用上黑松露~ 是為呀菲必叫! 薄餅是烤得薄脆的傳統意式薄批底, 純粹的散發著野菌同黑松露獨特的清香~ 芝士烤成半溶狀態, creamy惹味但唔會蓋過野菌味道. 面頭放上帶煙燻味微澀的火箭菜, 令菌香同芝士氣味更加突出, 就算我地平時麻麻地呢個菜都覺得可以接受~ 成個pizza味道獨特, 而且唔會好膩, 好味!
::: Spaghetti Carbonara ::: $88Habitu嘅carbonara一向水準穩定, 酷愛carbonara嘅呀菲自然易不容錯過. 意粉質地夠al dente, 每條都沾滿濃杰creamy嘅蛋黃忌廉汁~ 煎香嘅煙肉片鹹度適中, 加上鹹得嚟富奶香嘅脆口芝士片… 幾乎每一啖意粉都係享受! 雖然形容誇張但真係好好味~ 推介!!
::: Apple Crumble Tart ::: $40Apple crumble tart叫完會焗返熱, 所以都要等一陣先有得食. 焗出嚟非常熱辣辣, 雖然係翻叮但係都唔會令到個撻淋咗, 反而仲食到幾脆口嘅撻底~ 蘋果茸加上少少嘅蘋果肉甜度足, 清新得嚟又唔會甜過龍, 好味!
::: Macadamia Nuts Souffle Cheesecake ::: $38叫得做souffle cheesecake, 呢件cake質地真係又輕又軟! 有別於american cheesecake嘅濃重, 呢個反而似日式芝士蛋糕, 芝士味較輕薄, 軟綿綿咁入口即溶. 下層消化餅底趁返d芝士餡, 牛油味都較輕手. 整體味道不俗, 只嫌面頭四粒果仁個焦糖coating稍為甜咗少少~
::: Iced Mocha ::: $46濃濃嘅朱古力味, 加上嗰層厚厚嘅cream, 口感非常豐富~ 咖啡味會比較失色, 但係鐘意朱古力嘅人會幾啱口味~
::: Cappuccino Brulee ::: $40呢個cappuccino brulee除咗係signature coffee之外仲係堂食限定~ 喺綿密嘅奶泡上再蓋上薄薄一層焦糖, 底下咖啡又香又濃, 奶味適中, 再混和香甜焦糖味, 基本上淨係呢杯cappuccino已經係一份好滿足嘅甜品!
隨signature coffee附送嘅mini brownie外面硬脆, 內類煙韌, 不過味道偏甜, 一定要襯返咖啡食先中和到個甜味.
喜歡Habitu, 除咗因為佢d咖啡同食物都做得有水準之外, 更加係因為佢嘅環境、裝修、以至成個用餐氣氛都比人一種好cozy好relax嘅感覺~ 無論係一個人、兩個人以至大班朋友, 都可以舒舒服服咁享受一餐寫意時光~
張貼
