影片
更多
2018-12-05
3281 瀏覽
今日又黎到觀塘開餐喇, 揀左食西餐~~上次去過食紅磡分店, 印象非常好, 今次就食埋觀塘分店試試先店舖好易搵喔, MTR行幾分鐘就到!餐廳都幾大下, 所以多人用餐都冇問題!入面電視睇呢, o岩晒鍾意睇波既朋友...餐牌選擇都唔少, 有套餐, 亦有散叫...SOUP, SALAD, SNACKS, PASTA, PIZZA, BURGER, CHOPS, DESSERT, DRINK, 樣樣都有呢!店員仲會推介是日精選添!!先上個餐包, 好軟身既麵包, 加埋橄欖油同黑醋食超得!!是日餐湯係carrot ginger soup..好香ginger味, carrot好濃郁, 正!!American Ribeye, USDA choice一上枱好吸晴!! 牛排非常大塊, 急不及待切黎食叫左5成熟, 生熟度剛剛好...牛排牛味濃, 好甘香, 肉質軟腍, 超正呀!!!必食推介Side dish 叫左 oven baked mac & cheese係我食過最好食既通心粉!!好香芝士同蒜容味, 粒粒通粉都粘滿醬汁, 堅好食!!好食到一粒不漏, 哈哈!Arctic Peach(Pineapple, pe
上次去過食紅磡分店, 印象非常好, 今次就食埋觀塘分店試試先
店舖好易搵喔, MTR行幾分鐘就到!
餐廳都幾大下, 所以多人用餐都冇問題!入面電視睇呢, o岩晒鍾意睇波既朋友...
餐牌選擇都唔少, 有套餐, 亦有散叫...SOUP, SALAD, SNACKS, PASTA, PIZZA, BURGER, CHOPS, DESSERT, DRINK, 樣樣都有呢!
店員仲會推介是日精選添!!
先上個餐包, 好軟身既麵包, 加埋橄欖油同黑醋食超得!!
是日餐湯係carrot ginger soup..好香ginger味, carrot好濃郁, 正!!
American Ribeye, USDA choice一上枱好吸晴!! 牛排非常大塊, 急不及待切黎食
叫左5成熟, 生熟度剛剛好...牛排牛味濃, 好甘香, 肉質軟腍, 超正呀!!!
必食推介
Side dish 叫左 oven baked mac & cheese係我食過最好食既通心粉!!
好香芝士同蒜容味, 粒粒通粉都粘滿醬汁, 堅好食!!
好食到一粒不漏, 哈哈!
Arctic Peach(Pineapple, peach, lemon)
3種水果配埋一齊味道好夾, 好清新, 有濃濃既菠蘿味, 勁鍾意丫!!
Lychee Rose(homemade rose syrup, roselle tea, lychee)
飲品賣相好靚, 有幾片玫瑰花瓣係頂...
lychee味清香, 感覺好fresh
想食西餐既話呢道絕對係一個好選擇!
食物質素非常好, 環境氣氛都唔錯, 值得推薦俾大家!!
張貼
