香港世界貿易中心會 (已結業)

我個同事退休，老闆請我哋去呢間clubhouse度食中菜， 總共有兩圍。印象最深刻嘅有咕嚕肉，好多乾冰，出曬煙咁，好鬼靚 ，味道都好好味， 外面脆卜卜 ，入面仲有肉汁，而且好香豬肉味，但由於佢係凍食，我就唔係好慣，所以對於我嚟講有啲扣分。第二度好有深刻印象嘅係片皮鴨， 師傅喺你面前將隻鴨片出嚟，呢度嘅片皮鴨除咗片皮，都黐埋幾多肉，其實我鍾意咁樣多啲，因為啲鴨肉都好香、好好味，連住皮一齊食好正，片皮鴨嗰個包好好味， 絕對唔係普通乾爭爭嘅包，起曬筋，有咬口，好正！