影片
更多
2015-12-15
496 瀏覽
之前有人同我介紹呢間 Double D Burger，話好好食， 介紹我個個人食嘢都好奄尖，終於有機會試喇！今次就食咗 Single D, Double Fried Chicken ，同Fully Loaded Fries.我覺得佢哋嘅牛肉堡係比較好食啲，話晒漢堡都係主打牛肉嘛，而且佢哋嘅牛肉係自己攪碎，我就咁啱見到佢哋係度處理啲肉喇，無花無假。根據佢哋嘅網頁，原來佢哋係用100% 澳州安格斯草食黑牛，而且仲用咗入面5個唔同嘅部位mix埋，所以個漢堡扒食落好有質感得嚟，又唔覺得好多肥肉，又唔覺得好乾，仲好有肉味。至於個包都係非常出色，好軟熟，又冇話索晒啲汁，啲汁係佢哋自家製，同個漢堡好夾，整體係非常之好食。80蚊，我覺得係物有所值！而家講起都想食多次。至於個雞堡，我覺得麻麻，無咁好食嘅原因係 （其實都好食嘅，不過我食完個牛堡先食，佢就真係比唔上），佢個炸雞個炸皮炸得比較硬，好脆，但係就係硬咗啲，同埋加埋個個 jalapeño aioli 嘅汁，就有啲啲漏，因為呢個汁比較creamy，再加埋炸雞嘅油，食落個咁覺就好擁腫。如果佢哋嘅汁加番啲sour element 平衡下就應該好好多。我覺
今次就食咗 Single D, Double Fried Chicken ，同Fully Loaded Fries.
我覺得佢哋嘅牛肉堡係比較好食啲，話晒漢堡都係主打牛肉嘛，而且佢哋嘅牛肉係自己攪碎，我就咁啱見到佢哋係度處理啲肉喇，無花無假。根據佢哋嘅網頁，原來佢哋係用100% 澳州安格斯草食黑牛，而且仲用咗入面5個唔同嘅部位mix埋，所以個漢堡扒食落好有質感得嚟，又唔覺得好多肥肉，又唔覺得好乾，仲好有肉味。至於個包都係非常出色，好軟熟，又冇話索晒啲汁，啲汁係佢哋自家製，同個漢堡好夾，整體係非常之好食。80蚊，我覺得係物有所值！而家講起都想食多次。
至於個雞堡，我覺得麻麻，無咁好食嘅原因係 （其實都好食嘅，不過我食完個牛堡先食，佢就真係比唔上），佢個炸雞個炸皮炸得比較硬，好脆，但係就係硬咗啲，同埋加埋個個 jalapeño aioli 嘅汁，就有啲啲漏，因為呢個汁比較creamy，再加埋炸雞嘅油，食落個咁覺就好擁腫。如果佢哋嘅汁加番啲sour element 平衡下就應該好好多。
我覺得呢間burger特別嘅原因， 係店入面佢哋放咗好多唔同嘅辣椒汁，最重要係個啲唔係裝飾品係可以攞嚟食，唔同嘅辣椒汁有唔同嘅辣度。我今次好勇敢咁試咗一隻好勁嘅 ghost chili, 可能我唔係點咗好多，所以係條脷度係唔覺好辣，不過就有火燒喉嚨嘅感覺，都燒一陣架，非常過癮，會一試再試。
佢哋嘅薯條都好好食，好fluffy,加埋sour cream, gravy, cheese 等等嘅配料，好好食，不過我個餐嘅焦點已經去咗個burger同啲辣椒汁度lu~~~
呢一間值得再食過，有機會記得試喇！
張貼
