馬家莊清真館 (已結業)

朋友心血來潮想吃牛肉包，本來想去九龍城最出名果間食的，但下大雨關係，就近近地試下深水埗這間。牛肉餅一定要叫，一開二，肉汁流晒出黎。味道很好，牛肉混了一些蔥，口感更好味，大家咬完第一口，已異口同聲說好吃過九龍城那間。又叫羊肉餅，但覺得牛肉餅好吃些。油豆腐粉絲湯就普普通通，味道沒有驚喜。見到隔離枱吃這麵，樣子很吸引，我們又叫雞肉炒麵，麵炸得很脆，醬汁好野味👍🏻又見人地叫這餸，我們又叫醬燒茄子，極之好味，外邊炸得脆口，內面軟身，重點係醬汁好好味👍🏻👍🏻👍🏻最後問店員有什麼餸菜介紹，她就推介蔥爆牛肉，另有薄餅跟上的，這道菜也不錯，但相比之前嘅餸，佢就失色少少了。這晚餐大家都食得好滿足，都話要帶家人再來食。