山頭火 (iSQUARE國際廣場)

營業中

休息中

餓到半死嘅情況之下，行到嚟呢個商場搵食， 間間鋪頭都好貴，窮Ｌ 終於搵到呢一間食拉麵嘅鋪頭！同日本一樣，佢啲拉麵餐可以跟白飯， 或者單點一個拉麵再配其他小食， 我點咗一個吉列豬扒拉麵配麵豉湯底， 拉麵熱辣辣咁放到嚟面前，湯底香濃但不油膩，麵條軟硬適中，味道同喺日本街頭食嘅拉麵非常相似！ 由於餓鬼投胎， 用咗五分鐘喪食咗半碗拉麵先開始食吉列豬扒， 吉列豬扒用少量椰菜花墊底， 所以吉列豬扒嘅底部並無俾油浸到淋曬，炸粉落得剛剛好， 豬扒緊熟丶外皮香脆，係吉列豬扒中嘅上品！成個拉麵套餐最可惜嘅地方係欠缺咗日本餐廳通常會提供嘅玄米茶或者黑豆茶， 只係一兩蚊嘅成本就可以令餐廳做到完美，店家應該認真考慮！