千歲擔擔麪

營業中

休息中

今日同媽咪去到裕民坊商場行街順便醫肚，發現3樓平台原來有好多唔同嘅餐廳，其中有一間「千歲擔擔麵」媽咪好鍾意食擔擔麵就入去試下，入到餐廳每張枱可以望到平台花園感覺好舒服😌餐牌上有套餐及散點選擇👍酸辣湯（一人份量）湯底酸辣度適中，材料好豐富，有黑木耳、荀、豬肉、鮮蝦同豆腐，新鮮爽口，好開胃👍詠藜園擔擔麫（不辣）麵底好幼細煙煙韌韌，湯底濃郁帶點花生香味。楊家小籠包小籠包熱辣辣蒸起，皮薄豬肉鮮甜又多湯汁，咬開鮮甜既湯汁即是流出，正！生煎包麵包皮軟綿綿，豬肉肥瘦適中帶點好香油脂，包底沾滿芝麻，好香又帶點微脆😋炸銀絲卷色澤炸至金黃色，处皮好香脆內裏好軟熟，沾上煉奶一齊食，食唔停口😋