高興+ (已結業)

昨日去北角拜完年，由於開始放寬有晚市堂食，朋友提議去試吓E間餐廳。一入到去就被佢嘅一幅舊北角邨+碼頭巴士總站嘅壁畫吸引住，對於30+嘅我自然印象深刻。但由於壁畫附近有其他食客在用餐，所以就冇影到。我哋一行四人，叫咗個2人套餐，另外再散叫咗個pizza, 炸魚薯條，意粉等。2人套餐包餐湯，沙律，10安士牛扒，一個意粉或飯，飲品及甜品。就我哋所叫，每樣食物的份量都大大份，質素亦都好好。我個人比較喜歡佢嘅牛油果大蝦pizza，同套餐裡面嗰個豆腐沙律。Pizza係薄身嗰款，批邊脆而且隻蝦都好大隻。而炸魚薯條份量亦不少，好好味，但略嫌佢D薯條炸得過咗少少火。店員服務質素十分好，應我哋嘅要求，幫我哋換咗兩次碟。又定時過嚟幫我哋收拾。整體來說，我十分滿意昨晚嘅用餐經驗。