椰粉湯紅 (已結業)

又到晚飯時間，經開灣仔，原本諗住試下椰粉湯紅好出名嘅椰皇燉湯系列，但估唔到咁受歡迎，未7點鐘已經賣哂，只好叫其他野食返去食啦。椰香海南雞椰香飯套餐套餐包括咗椰香海南雞、椰香飯、食療拿杯湯同蔬菜。椰香海南雞鮮香嫩滑，海南雞汁醬非常出色。椰香飯夠哂特別，淡淡嘅椰香味。整個套餐嘅海南雞同椰香飯，食過後都令人再三回味。是日食療拿杯湯係粉葛赤小豆茨實煲豬展湯。杯湯盡是老火湯嘅味道，非常之好飲。而餐廳為咗可以令大家好似拎住杯咖啡咁飲湯，整杯湯都係零湯渣。對於唔中意湯渣嘅朋友，應該會非常喜歡。日式胡麻醬手撕雞冷麵天口咁熱、所以我另外再點咗日式胡麻醬手撕雞冷麵。手撕雞、蔬菜同麵嘅比例好平衡，唔錯，配埋惹味嘅胡麻醬，真係停唔到口。依個冷麵，再配埋佢哋自家煲嘅飲品-熱情豐盛，一杯由熱情果，杞子同青檸調配而成嘅飲料，味道相當之咁夾。最可惜嘅係飲得心急得濟，唔記得咗影低同大家分享。