部屋咖啡室

旺角登打士街一向多嘢食，係掃街嘅好地方就係人都知，但其實嗰度有間樓上cafe叫部屋咖啡室 d嘢食都好高質。👍6點前上去仲有下午茶好抵食，我哋order左卡邦尼意粉、薯角漢堡包、雪糕朱古力厚多士、椒鹽魷魚鬚，飲品有黑森林mocha、百寶美顏花茶、榛子朱古力咖啡。🥰個卡邦尼意粉🍝好creamy，醬汁超好味，撈埋意粉食一流。😋漢堡包🍔入面嘅漢堡就超juicy，而且番茄生菜等配菜好新鮮，鍾意食漢堡包嘅朋友一定唔可以錯過。😋薯角炸得亦可口，點茄汁食係我嘅至愛。😋椒鹽魷魚鬚就超香口，外脆內軟而且好有魷魚嘅鮮味。😋朱古力厚多士鋪滿曬滿滿嘅朱古力醬，絕對係大多數朋友嘅選擇，我亦唔例外，上面加上朱古力雪糕絕對冇得彈。😍3種飲品都各有特色，花茶寧神養顏。黑森林mocha就有滿滿嘅朱古力味道，係大小朋友都會鍾意飲。榛子朱古力咖啡就係食完曬嘢時飲，幫餐飯畫上完滿嘅句號。🥰