靠得住粥麵小館 (形點 II)

營業中

休息中

近期留意到喺yoho新開咗間餐廳,原來主打係食粥品港式中菜,今晚同朋友去試下。靠得住粥麵小館,原來餐廳有好多分店,仲要係米芝蓮推介,味道同食物有返一定嘅保證。麻辣小黃瓜 22元,小黃瓜非常爽脆,味道好清新,麻辣嘅味道慢慢滲出,最先食到清新嘅瓜香,再嚟就係麻香。客家風味酸蘿蔔 22元, 酸蘿蔔做到好爽脆,而且好入味,酸酸甜甜,越食越開胃。手作煎釀豆腐 88元,煎釀豆腐分量都好多,每件豆腐都好入味,上面釀咗啲肉,加咗啲蔥花,入口豆腐味道清香,幾種味道都好有層次,而且最好有口感添。真正東江鹽焗雞半隻 148元,鹽焗雞雞皮金黃色望落去已經好吸引,入口味道好,香雞肉仲要好嫩滑多汁,第一次食到咁好味嘅東江雞,調味同埋雞肉嘅香味都做得好出色。奶油金沙海中蝦 108 元,呢個簡直係必食嘅推介,新鮮嘅蝦用鹹蛋黃包住,入口陣陣咸蛋黃蛋香再黎就到蝦嘅鮮味,味道真係好夾。白灼豬肚粉腸 68元,豬肚粉腸好爽,味道好新鮮,入口爽口彈牙,加少少醬汁令到鮮味更加突出。心肝寶貝粥 78元,果然係招牌菜,豬潤好新鮮唔會煮過龍,入口仲好爽口,粥底夠曬綿,又香又滑真係好惹味。