王子冰室 (已結業)

下午茶時間經過新蒲崗，見到一間充滿懷舊氣氛茶餐廳，個名叫嘅王子冰室🤴🏻咁有趣於是乎就俾佢吸引左去嘆個下午茶先！好耐冇食過菠蘿油，店員介紹話呢個係佢哋嘅招牌菠蘿油，所以就試吓啦！一嚟到見到好大舊牛油用冰鎮住，而菠蘿包係新鮮出爐非常靚仔，而且仲係熱辣辣嘅！一切開菠蘿包再放入牛油，見到牛油係菠蘿包瞬間融化，變成閃閃既金黃色，呢個畫面真係好治癒🤤牛油本身帶少少鹹味，所以配合埋甜甜嘅菠蘿包真係非常之好食，菠蘿包表皮亦都焗得非常鬆脆！正！加埋杯冰凍嘅奶茶真係絕配！奶茶味好香濃又幼滑，下次有機會過開來一定會再食！