麵尊

營業中

休息中

麵尊真係一個令我同同事又愛又恨嘅車仔麵店，因為車仔麵來講佢真係好好食，但係又真係等得太耐，例如你打咗電話黎話一點攞，你一點去到，佢先至會入單，所以次次都要等多15至20分鐘先至有得攞。如果你lunch time有時間又真係值得等嘅。我基本上次次都係叫咖喱魷魚，冬菇，雞翼，面就會揀幼麵或者米粉。因為幾樣餸都已經好入味，所以初頭幫襯嘅時候我仲會加腩汁同埋加辣，食食吓就已經覺得清湯都已經好足夠。而佢嘅辣係真係好辣㗎，食得辣嘅應該會好鍾意。麵尊嘅湯底同埋餸都非常之濃味，所以食完記住要飲多啲水啊。