薄餅地 (大滿樓) (已結業)

網上見到呢間薄餅外賣店有水煮牛肉pizza，好鍾意食辣嘢嘅我有日放工突登去買外賣返屋企做晚餐。餐牌有九款pizza選擇，除咗Margherita，Pepperoni pizza呢啲傳統口味，仲有啲特別嘅口味，例如水煮牛肉同泡菜pizza點咗一個水煮牛肉pizza同三個doughnut。Pizza同doughnut都係即點即製，製作需時，但可以經Whatsapp預先落單，咁就唔使等咁耐。我預早咗廿分鐘用Whatsapp落單，去到等咗五分鐘就得。搭咗半個鐘車返屋企，個pizza已經凍咗。放入焗爐用熱風吹返熱幾分鐘，一出爐就好香pizza餅底嘅麵包香餅底煙韌，批邊脆卜卜，果然酸種麵包餅底係特別正食落有水煮香味，配埋青瓜片好夾。辣度只係微辣，唔食得辣嘅人都會接受到，適合大部分人嘅口味。牛肉份量都唔少，每一啖都食到牛肉，而且切得夠薄所以全熟都唔會韌。面頭啲芫茜同紅椒絲令到賣相更靚之餘，同牛肉都好夾Doughnut有幾款口味揀，我就揀咗士多啤梨果醬、奶醬(花生醬+煉奶)同埋NutellaDoughnut咬落鬆軟，雖然係油炸但一啲都唔覺油膩。攞上手就只係成手砂糖，竟然無乜油。本身驚奶醬餡會好甜，但都