大喬日本料理 (已結業)

之前同同事黎過lunch覺得唔錯，前日拉埋男朋友去食dinner，叫左壽司set同銀鱈魚set，我幾鍾意清湯，好甜蜆味，好得意，食完之後又黎多一個紅面豉湯，個waiter話日本傳統係會餐後再飲碗紅面豉湯喎，真係完全唔知……個味好濃，我同honey之前都未飲過，幾得意。講返個餐，d壽司都幾新鮮，不過我鍾意個銀鱈魚多d，好滑，但係就細舊左d，結果俾我搶黎食哂，honey只係分到丁丁，hehee~~ 不過兩個set仲有d天婦羅，炸蝦個d，所以冇餓親佢架~仲有特別推介！個日0岩0岩做緊promotion，有半價帶子刺身同鐵板燒帶子，擺明引我呢d帶子痴架啦，2樣都係由200零蚊減到百零蚊，死lur下honey俾我叫哂2個，不負所望，好好味架！尤其是個刺身，勁甜呀~~~ waiter哥哥話係北海道凡立貝，仲話會promote多一排，各位帶子痴，千祈唔好錯過！