翡翠拉麵小籠包

營業中

休息中

今日去左YOHO mall間翡翠拉面小籠包,比我想像之中好味,原來佢係米芝蓮三星餐廳。我地兩個人食左幾款野食，覺得質素都唔錯。欣賞佢有個電子落單系統，可以加自己要求，例如紅油抄手可以個醬汁另上。特別推薦佢嘅擔擔麵，湯底係好濃好杰嘅汁，中意花生醬味重嘅朋友一定要過黎試。不過有少少過咸，但我覺得個麪都係出色嘅。另外去佢個炸銀絲卷係一流無得輸，一定要食。佢個雲吞雞湯係好熱好足料嘅，都對得住68蚊既價錢。奶油津白同埋紅油抄手就一般啦。呢排做緊匯豐信用卡優惠有折，兩個人食夾埋400蚊有找，都算性價比高。