大門橫丁串燒手打烏龍麵店 (山東街)

營業中

休息中

今次又係去旺角睇波鞋😂，所以又喺附近搵食，去左呢間大門橫丁，感覺有啲似日本既串燒店。內面既座位感覺有點兒窄，好想快啲食完就走。但食物出乎預料地好味，我下次會再來食。我地叫左四樣野食：牛肉、豬軟骨、沙嗲湯，呢三樣我都好鍾意食，原來三樣野食撈埋一齊係超好味，好正，正到我一路食一路諗下次一定要再來食🤣。沙嗲湯唔會好油亦唔會辣，加埋我最鍾意食既牛肉同豬軟骨，簡直正到爆。鹽燒三文魚腩，份量有點兒細，每塊一啖就可以食晒。燒三文魚腩好難會燒得唔好食，所以連皮都食埋😂。如果可以大份少少就好啦🤔！芝士明太子玉子燒，三樣野一齊食又幾夾😋。牛肉蘆筍串燒又係我既至愛，牛肉+蘆筍=最佳拍檔（個人認為）🤣。呢個串燒好足料，我數過有8條蘆薈咁多😍，平時出面食果啲通常都冇咁多，所以好滿足。今次既感想係會100%回頭率😁！P.s:唔知係埋滿座既關係，支可樂要叫左幾次先出到來😓。