つけめんTETSU (已結業)

つけめん TETSU 香港店雖然我係麻麻地拉麵，不過呢就越來越鍾意沾麵。呢一晚要趕時間，所以去咗呢間沾麵店，好彩夠早唔洗排隊，仲可以比我坐低等人。不過過咗一陣出面就有人龍嚕。我都幾鍾意呢間嘅沾麵，鍾意佢啲麵夠粗，好煙靭，好有咬口。原味個湯都非常之濃郁， 不過就有啲過鹹，就咁點麵就ok嘅，不過就咁飲啲湯，就真係有啲鹹，雖然佢教你食晒啲麵之後加鰹魚湯先至飲，不過我加咗多好多湯都仍然覺得佢好鹹。我都好鍾意佢哋嘅叉燒，佢哋嘅叉燒係厚切一條條嘅，最重要就係瘦叉燒！放心都有少少肥，叉燒好淋好好食，又唔肥，非常鍾意。我仲加咗一隻溏心蛋，真係好好味呀！個糖心仲好晶瑩，我覺得你得呢度食一定要加，唔加你係會後悔的！呢度仲有另一gimmick 就係熱石，因為碗湯都幾快凍，呢個時候你就可以叫一舊熱石放落個湯度， 真係好熱，一放落去石邊啲湯會即刻滾，成碗湯會暖咗。你可以係碗麵食到一半嘅時候加，或者食晒之後加，再加鰹魚湯，咁就可以飲碗熱湯。我個人比較鍾意飲冇咁熱嘅湯，所以食咗一半就加。呢度仲有另一樣好，就係同等嘅價錢，係可以選擇200g 麵或者300g， 果日特別肚餓嘅你就可以食多啲啦。放心一份200g嘅麵係夠飽