小胖台灣便當 (福昌大廈) (已結業)

早幾日路過匯豐，望到對面馬路原來開左間台式便當主打外賣，有日無帶飯又唔知有咩好食就走黎試下，其實今次食第二次，上次完全忘記影相。首先想講下啲店員，好有禮貌同耐性。我叫左個士林鹽酥大雞腿麵套餐，個麵正正常常無咩特別，一開始我望到隻雞脾有啲油，諗住食一半算, 我用紙巾印左啲油，食左一啖，嘩, 攤左10分鐘，隻脾仲熱熱地，啲肉好嫰好多汁，個皮又脆，最後成隻食哂另外跟餐有3款茶免費，其他飲品要加錢，我揀左蘋果茶，個茶係預先入左樽，所以無得揀糖度，但係好香蘋果味，甜甜地好好飲!買完仲有張卡儲印仔，一個套餐一個印仔，5個送小食，10個送一個便當。如果人多去食都好快儲到，幾抵~