農民泰菜 (已結業)

呢日同朋友來到沙田，行行吓街來到沙田中心，唔争在行埋好運中心，跟住就因為下面呢两個指示牌帶引我哋來到以下呢間泰式快餐店～農民泰菜。大大的招牌，好闊嘅通道，裡面很簡潔明亮的裝修，而非傳統泰式餐廳格局。心諗，新潮非傳統嘅裝修應該有D潮D嘅美食啩，見到以下呢個餐牌，心中有數啦，就係佢～滷水雞脾冬蔭湯金邊粉，個人喜好，我轉咗米粉，亦加咗魚腐。餐來到，賣相吸引，仲有青菜相伴，紅紅哋嘅冬蔭湯已令我食欲大增，再吃埋雞脾，哇，好淋，好入味，佢吸收埋D冬蔭湯，竟然好夾，沒有違背感。雖然吃之前有小小擔心，但抱住試新嘢嘅心態，試出一種好味道朋友點嘅餐係青咖喱豬頸肉飯將两者溝埋變成咁樣，超好味，唔太辣，椰奶恰到好處，咖喱味濃厚，差D諗住打包埋D汁另外叫嘅小食白雲鳳爪以及2杯特飲也很好味