南小館 (已結業)

我太太的好朋友從外國回來，他們在外國吃得太多漢堡包、pizza 及西餐，所以他們都好掛住中國菜，所以我太太為好朋友選擇了中式上海菜。其實已經好耐冇去南小館了，今次再去真的好有驚喜，發現原來多左好多新菜式。我們叫左「無錫小籠包」-皮薄又多湯在內，很好味。另一款是加了帶子的「帶子鮮肉小籠包」，同樣好味。「上海粗炒」就反而普通D、「花雕白雞」很入味而且雞肉鮮嫩、「陳醋青瓜海蜇頭」，青瓜好香脆，海蜇頭很有咬口、「老味道蔥油餅」好煙韌、「秘製黑豚肉配滷蛋」是我最欣賞的一味菜，那些好味的汁，完全可以用來送好多碗飯，那些黑豚肉非常入味，冇得頂。「乾煸四季豆」同樣好入味，但送飯會好D，不會太咸。「青炒菜心」也好新鮮美味、非常軟熟的「花菇素菜包」，真係好正。「雞絲粉皮」很彈牙、「招牌生煎包」很香很美味，這次美味的上海菜真的令人回味無窮。最後一提是這間店舖佈置得很靚。