小皇府 (惠安苑) (已結業)

上星期來到鰂漁涌華蘭花園對面新開張的小皇府飲茶，開左壺桂花烏龍，茶味散發出淡淡桂花清香，鳳爪排骨煲仔飯熱辣辣、飯及排骨都足夠， 肥嘟嘟金魚餃好多餡料、乾蒸牛肉算大粒、吾係間間酒樓都有得食，即炸春卷脆卜卜， 即拉叉燒腸粉、叉燒好味皮夠薄，蝦餃皮都算薄啲蝦冇筍，菠蘿叉燒包餡內真係有菠蘿個皮夠鬆化， 呢餐抵食兼好味，一定會再來幫襯，因為趕時間未有試埋燒味，環境寬敞乾淨，星期1至6早茶及下午茶時段都有優惠，仲要免收加一。