魚泉日本料理鐵板燒 (已結業)

尋晚同朋友上左去魚泉食Dinner，門口d珊瑚真係好靚。兩個人叫左個壽司拼盤, 天婦羅炸蝦, 凍手打烏冬, 串燒雞中翼及雞軟骨, 板燒特級牛肉。壽司拼盤:食材好新鮮, d 魚肥美新鮮, 甜蝦同海膽都好鮮甜。天婦羅炸蝦, 蝦身肉質彈口, 炸漿脆口。凍手打烏冬, 烏冬彈牙, 好滑, 超正!串燒雞中翼及雞軟骨, 不乾身, 軟骨很脆。板燒特級牛肉, 牛肉味濃, 口感鬆化.每台客仲送左兩隻芥末燒蠔, 雖然係送既, 都幾大隻, 食得好飽呀!