德發潮州飯店 (已結業)

自從觀塘重建，執左好多間打冷舖之後，好耐無食到正宗又唔貴的潮州打冷。大學同學飯局想揀個就腳中間點，就揀左呢間，太子地鐵站一出唔駛5分鐘就到。六個人食到好飽，嗌左豬紅、炸墨魚丸、滷水墨魚鵝腸、生炒骨、潮州三寶、小炒王、蠔仔粥、蠔餅，推薦小炒王好有鑊氣，香口，餸啤酒最正！蠔仔粥d蠔好大粒，無沙。埋單一個人只係100蚊鬆d，食足4個鐘，笑得好開心！下次要帶埋我嘴勺的潮州人老豆黎，佢實滿意。