Oh Food 清真阿拉伯料理 (已結業)

已經食左3次，依然覺得好好味，保持水準，所以都要上嚟推薦下呢間餐廳！ 呢間餐廳除左食物同飲品好味之外，價錢合理，服務至上。 我次次都叫lentil soup 扁豆湯，佢係個種puree soup, 飽肚得嚟啱啱好～ 一定要試！ Maincourse 方面，我基本上都試晒佢啲肉，每款都煮得啱啱好，唔會un! 上次食嗰個係羊，有少少騷味，但係係好食嗰隻，唔會太over。 佢每種肉係配唔同既醬，而我自己特別推介芝麻醬！真係掂！ 最後，我會推介點都配飯!! 佢地好好，怕啲客人食唔慣嗰種香油飯會俾人order 薯格，但係佢個飯先係重重點！！服務員好細心，每次都解釋啲食物我知係咩！ 尤其是凍頭盤！ 最係佢嘅價錢真係好合理（我甚至覺得可以再貴啲！） 佢仲要唔收加一！ p.s. 最好book 定位因為餐廳比較細，雖然佢係樓上餐廳但係唔好俾佢棟樓嚇親，真係好好既一間餐廳！