好旺角粥麵專家 (已結業)

聽左同事話呢間既豬手麵好食，但係等左佢十年都未一齊食到。今晚買左飛睇戲，中間有個幾鐘得閒，見唔係太肚餓，所以行左過去試下。原本剩係叫左兩個麵，不過見到對面枱食緊個魚皮幾特別，所以就叫左一個魚皮黎食。爽滑魚皮: 正如其名一樣，爽、滑，而且重香同好好咬。^_^炸醬牛腩撈麵: 炸醬好香，唔係好辣，重有D甜甜地，牛腩一D都唔肥，好味。雲吞豬手撈麵: 雲吞不過不失，純粹自己鍾意食所以叫，個豬手就好入味，而且有D彈牙，好好口感。