Commissary (已結業)

約好咗朋友嚟呢度食嘢，但可惜途中突然之間塞車，搞到勁無奈，遲咗差唔多成半個鐘有多，不過都唔緊要，因為一早叫朋友幫我ordered一啲我應該會食嘅嘢，朋友就因我平時嘅喜好，ordered佐呢件 pancake 呢件pancake賣相靚靚， 啲toppings又多又豐富， 食落去口感又輕柔又有彈性又好味， 最重要就係熱度好夠，唔會話不冷不熱咁樣， 個size啱啱好對我呢種中女嚟講唔會太多唔會太少，襯埋一杯嘢飲再落一啲蜂蜜糖漿認真一流。 食完之後真係好想大嗌一聲，好好味呀!!臨尾要補充一句，就係呢度啲店員嘅service唔太好，不過還過得去啦。