影片
更多
2021-10-28
64 瀏覽
今日去太子做嘢喺地鐵出口隔離有間幾特別嘅餐廳Paradise cafe Dessert Bar 呢間主打西式嘅餐廳，門口嘅餐牌都幾吸引，有好多午餐比客人選擇，最緊要價錢一啲都唔貴喺太子區收呢個價真係好平好抵食。12點準時見到佢剛剛開門，餐廳職員好有禮貌招呼我哋入去，我見座位多數都係二人坐位，有幾張枱係四人座位，所以都坐得幾舒服同埋最緊要好乾淨，我哋幾個朋友嚟到見到真係好多選擇，餐牌啲食物每樣都好吸引，有意大利粉，意大利飯，闊條麵，好多款式嘅牛扒，羊架，豬手，炸薯條，all day breakfast 佢呢個All day breakfast真係好抵食，有十幾樣食物(西冷牛扒，炒蛋，煙火腿，煙三文魚，煙肉，肉腸，茄汁豆，薯餅， 蕃茄，炒雜菌，粟米，田園沙律，多士，橙汁）相當豐富，牛扒勁好味，個薯餅又香脆，個炒蛋嘅份量我諗係出邊餐廳嘅兩倍，仲有個煙三文魚又唔會太咸有鮮甜味，性價比高好抵食澳洲榖飼肉眼牛扒配燒汁牛扒煎到啱啱好，大約七成熟，都算大塊。味道好香肉質超嫩滑，冇諗過一間餐廳仔可以做到超水準嘅牛扒，值得一讚。同埋佢都好細心，將啲燒汁用過碟仔另外裝住，因為本身唔鍾意太多汁，所以好欣賞佢嘅
Paradise cafe Dessert Bar
呢間主打西式嘅餐廳，門口嘅餐牌都幾吸引，有好多午餐比客人選擇，最緊要價錢一啲都唔貴喺太子區收呢個價真係好平好抵食。
12點準時見到佢剛剛開門，餐廳職員好有禮貌招呼我哋入去，我見座位多數都係二人坐位，有幾張枱係四人座位，所以都坐得幾舒服同埋最緊要好乾淨，我哋幾個朋友嚟到見到真係好多選擇，餐牌啲食物每樣都好吸引，有意大利粉，意大利飯，闊條麵，好多款式嘅牛扒，羊架，豬手，炸薯條，all day breakfast 
佢呢個All day breakfast真係好抵食，有十幾樣食物(西冷牛扒，炒蛋，煙火腿，煙三文魚，煙肉，肉腸，茄汁豆，薯餅， 蕃茄，炒雜菌，粟米，田園沙律，多士，橙汁）相當豐富，牛扒勁好味，個薯餅又香脆，個炒蛋嘅份量我諗係出邊餐廳嘅兩倍，仲有個煙三文魚又唔會太咸有鮮甜味，性價比高好抵食
澳洲榖飼肉眼牛扒配燒汁牛扒煎到啱啱好，大約七成熟，都算大塊。味道好香肉質超嫩滑，冇諗過一間餐廳仔可以做到超水準嘅牛扒，值得一讚。同埋佢都好細心，將啲燒汁用過碟仔另外裝住，因為本身唔鍾意太多汁，所以好欣賞佢嘅細心。
香脆豬手配燒汁呢個簡直係必食嘅推介，豬手皮炸得金黃香脆咬落去索索聲，肉質非常嫩，同埋啲肉好多肉汁，口感十分之好，平時食啲豬手都會炸到有啲鞋，佢呢個係完全唔會有鞋嘅感覺。我哋大家都好欣賞，好滿意，當我哋買單嘅時候，餐廳已經坐滿晒客人，下次會再嚟呢度食下午茶，飲紅酒，因為我見到佢有好多紅酒嘅選擇
呢間餐廳真係必食嘅推介
張貼
