緬甸招牌湯米線 (已結業)

已經係第2次黎幫襯，因為真係好好味，所以要寫篇食評推介俾少食緬甸菜的香港人今次同朋友2個係星期日2點左右時間黎，諗住食完就去書展。雖然過左午飯時間，但店內仍然坐無虛席，不過店員好nice, 叫我地等一陣好快會安排入座。等左3分鐘就有位了。上次食過招牌魚湯米線一直念念不忘，今次都要再叫多一次。賣相已經好吸引。一影完相已經急不可待要大快朵頤。不過千祈唔好咁快食住，一定一定一定要加擺左係枱面的辣椒粉，加左落碗麵度係完全另一個層次。我真係好鍾意個湯底，因為同米線好夾，魚湯唔腥而且濃味，最後全碗湯都俾我飲晒。朋友叫左紅燒腩肉飯。我無試過，不過佢好快KO左成碟飯話好味，搞到我下次都想試下。